Azərbaycanda pul qazandıran saytlar haqqında araşdırma!
Məqalənin içindəkilər
Müəllif – Aida İsaq, budcedostu.az
Müasir dövrdə pul qazanmaq işi asanlaşıb desək, yanılmarıq. Daha doğrusu hər ötən gün yeni pul qazanmaq metodları, yolları kəşf olunur. Bu proses süni intellektin həyatımıza nüfuz etməsi ilə paralel olaraq irəliləyir. Əgər uzun illər əvvəl gün ərzində saatlarla işləyərək çörək pulu çıxartmaq olurdusa, günümüzdə bu qazancı əldə etmək üçün internetdə sadəcə telefonla pul qazanmaq, internetdən pul qazanmaq, evdən pul qazanmaq, işləmədən pul qazanmaq, gündəlik pul qazanmaq, “Whatsapp”dan pul qazanmaq və s. kimi axtarışlar etmək kifayətdir. Qarşıya sonsuz sayda platformalar, praktiki nümunələr və s. çıxır. Bu dəfəki məqaləmizdə Azərbaycanda pul qazandıran saytlar haqqında danışacağıq.
Azərbaycanda pul qazandıran saytlar
Ölkəmizdə onlayn şəkildə çalışaraq, yaxud müxtəlif yarışlarda iştirak edərək pul qazanmaq mümkündür. Dünyanın müxtəlif ölkələrində illərdir mövcud olan bu tendensiya nəhayət ölkəmizdə də bir reallığa çevrilir. Azərbaycanda onlayn pul qazanmaq üçün bir neçə istiqaməti sınaqdan keçirə bilərsiniz. Gəlin, daha ətraflı tanış olaq.
Müxtəlif müsabiqələrdə iştirak edərək onlayn pul qazanmaq
Brainpriz.com – Azərbaycanda onlayn pul qazandıran saytlar
Brainpriz.com yatırımsız pul qazanmaq istəyənlərin onlayn şəkildə maraqlı və əyləncəli sualları cavablayaraq müxtəlif uduşlar qazanacağı saytdır. Sayt suala cavab ver pul qazan məntiqi ilə fəaliyyətdədir. Belə ki iştirakçılar üçün müxtəlif mövzularda suallar hazırlanır. Buraya futbol, paytaxtlar, tapmacalar, müxtəlif ixtisaslara və mövzulara dair suallar daxildir. Müsabiqə iştirakçıları müəyyən olunmuş qısa zaman ərzində bu sualları cavablayaraq müvafiq məbləği əldə edirlər. Müsabiqədə iştirak üçün linkə keçid edə bilərsiniz.
misli.az – Azərbaycanda onlayn pul qazandıran saytlar
Futbol, voleybol, xokkey, həndbol və s. kimi idman növlərinə marağınız varsa, həm də məlumatlısınızsa misli.az saytında qeydiyyatdan keçə bilərsiniz. Burada müxtəlif idman yarışlarını öncədən proqnozlaşdıraraq, həmçinin digər yarışlarda iştirak edərək onlayn pul qazanmaq mümkündür. Saytda, həmçinin “Azərlotereya”nın təşkil etdiyi “ePoz-Qazan” lotereyasında da iştirak etmək olar. Yarışlara və ya lotereyaya qoşulmaq üçün minimum 1 manat ödəniş tələb olunur.
Anket sorğuları dolduraraq onlayn pul qazanmaq
fikrim.az – Azərbaycanda onlayn pul qazandıran saytlar
fikrim.az saytında qeydiyyatdan keçdikdən sonra istifadəçilərə müxtəlif mövzulara aid sorğular təqdim olunur. Bu sualları cavablamaqla, həmçinin öz hobbilərin, iş yerin, təhsilin və s. kimi digər məlumatları daxil etməklə onlayn pul qazanmaq mümkündür. Saytda yeni qeydiyyatdan keçən zaman istifadəçilərin hesabına bonus məbləği (təxminən 2,25 manat) əlavə olunur. Minimum 10 manat balans toplandıqda bu məbləği karta köçürmək mümkündür.
Müxtəlif məhsulların və xidmətlərin satışını edərək onlayn pul qazanmaq
Azərbaycanda onlayn pul qazandıran saytlar arasında müxtəlif məhsulların və xidmətlərin satışını həyata keçirən platformalar mövcuddur. Belə ki bu saytlarda qeydiyyatdan keçərək qida məhsullarının, məişət cihazlarının, aksesuarların, daşınmaz əmlak və digər istənilən növ məhsulların satışı ilə bağlı elanlar yerləşdirmək mümkündür. Həmçinin dil kursları, repetitorluq, fizioterapiya seansları kimi xidmət növləri barədə də elan yerləşdirmək mümkündür. Qiymətlə, elan sayı ilə bağlı hər hansısa limit tətbiq olunmur. İstifadəçilərə real məhsulları və onların sizi birbaşa tapa biləcəyi əlaqə vasitələrini qeyd etməyiniz, keyfiyyətli şəkillər paylaşmağınız faydalıdır. Azərbaycanda onlayn pul qazanmaq və ya belə desək, pul qoymadan pul qazanmaq üçün satış edə biləcəyiniz saytlara aşağıdakılar daxildir.
Frilans şəkildə çalışaraq onlayn pul qazanmaq
- frilans.az – Azərbaycanda pul qazandıran saytlar
- serbest.az – Azərbaycanda pul qazandıran saytlar
Ölkəmizdə frilans şəkildə çalışa bilən kopirayterləri, tərcüməçiləri, dizaynerləri, informasiya texnologiyaları mühəndislərini, süni intellekt mühəndislərini və digər peşə sahiblərini yuxarıda adı çəkilən saytlar bir mərkəzdə birləşdirir. İşəgötürənlər bu platformalara daxil olaraq ehtiyac olan xidmət növü üzrə sərbəst rejimdə çalışan mütəxəssislərin dəstəyindən yararlana bilər. Hər bir mütəxəssis özü barəsində, təcrübəsi və xidmət müqabilində alacağı qiymət haqqında məlumat yerləşdirir. Eyni zamanda sifarişçilərin özü də axtardıqları xidmət barəsində elan yerləşdirə və ödəniləcək məbləğ barəsində məlumat yerləşdirə bilər.
azdo.az – Azərbaycanda pul qazandıran saytlar
azdo.az digər frilans iş saytları ilə eyni funksiyaları daşısa da, sözügedən platforma Azərbaycanda ilk internet üzərində olan istənilən növ xidmət üzrə onlayn bazar olaraq tanınır. Burada təmir və tikinti, veb xidmətlər, biznes və konsaltinq, avadanlıqların quraşdırılması və təmiri, təmizlik və ev işləri, idman, gözəllik və sağlamlıq, ev heyvanları üçün xidmətlər və s. kimi kateqoriyalar üzrə tapşırıqlar yaratmaq, bu istiqamətdə mütəxəssis dəstəyindən yararlanmaq mümkündür. İşaxtaranlar isə müvafiq işlər üzrə öz xidmətlərini təklif edə bilər.
Sonluq – Azərbaycanda pul qazandıran saytlar
Azərbaycanda gündəlik pul qazanmaq 2024-cü ilin və ya cari ilin yeni trendlərinə ayaq uydurmaqdan başlayır. Belə ki məhsul satışından tutmuş frilans fəaliyyətə, hətta müsabiqələrdə iştiraka qədər günün trendlərindən xəbərdar olmaq mütləqdir. Adi vizual dizayn edərkən belə bu amili nəzərə almaq daha çox müştəri qazanmağa bərabərdir. Daimi olaraq pul yatırmadan onlayn pul qazanmaq üçün yeni mənbələr, platformalar axtarışında olmaq faydalıdır. Qeyd edək ki, xüsusilə Linkedin şəbəkəsində fəaliyyətə başlayan yeni layihələr, platformalar barəsində məlumatlar tez-tez paylaşılır.
Həmçinin oxu: Whatsapp-dan pul qazanmaq üçün nə edə bilərsiniz? – 8 Üsul